مدارس ام ترتر الجزء الرابع

يشعل الاخ سامح عمود دخان و هو واقف منتظر الفاموليا تخرج من ال WC

واثناء الانتظار تخرج سيدتان ممن يقال عليهم سيدات المجتمع الراقى تقريبا عشان الشعر المضروب في خلاط مسيو سوسو كبير كوفيرات السيده اللى كان اسمه عباس و بعدين فتح في مدينه نصر و ابقى اسمه سوسو و لا ميمى و لا حاجه كدا وطبعا لانه بقى في مدينه نصر فاصبح عالامه في الشعر و جهبز من جهابزه الميك اب ( ودون كمان ) وبقى بصراحه مع سوسو احلى ( بلا جوال بلا كلام فارغ ......... ( سوال سريع ايه الفرق بين جوال و شوال ................ الناس دى بتعمل حاجات )

وطبعا كل واحد منهم راحت لمكيانيكى عوجلها لسانها فبقى كل كلامها اوه ستروه و اوه ماى جاد ( واوه من عيون السود و كدا يعنى ) ولازم تحشرلك كام كلمه انكليزى على فرنصاوى على المانى بس تبع المانيا القمح


وكمان لبس لا يتناسب لا مع عمر و لا مع سن و لا اى حاجه وبكدا تبقى سيده مجتمع


ونسيت طبعا ان كل واحده منهم طلعت عمود دخان ووقفت تدخن جنب سامح ( المساوه يا اخونا )


الاولى : معلش تعالى نستنى مشمشه شويه هنا يا لولى ( مشمشه ولولى الله يرحم )

لولى : مشمشه دى ديما معطالنا يا ميشو مش ممكن كدا ( ميشو على اساس ايه يعنى ان طلعلها ديل و بتهوهو و لا صحيت الصبح لاقت نفسها ميشو و لا ايه )

ميشو : حنعمل ايه يا لولى هى كدا ديما خنقه و فاكره بقى لما تتاخر كدا تبقى يعنى بقى هى المهمه في الشله ( طبعا الحب واضح جدا )


لولى : ايوا فاكره انا لما كنا في مارينا السنه اللى فاتت طلعت عنينا عشان تجيب مايوه كل شويه ده وحش ده مش مودرن ده مش اورجنال اووووووووووووووه كانت حاجه امبوسيبل خالص

ميشو : اووووووووووووووووف خالص انا عشان كدا مارديتش اروح مارينا السنه دى عشان اند اى بيرفير تو جو ( فضلت اروح ) شرم عشان اخلص من حركاتها دى


لولى : من ساعات ما جوزها بقى عنده مجموعه خلاص محدش بقى قادر يكلمها


طبعا احنا متخيلين سامح عامل ازاى

سامح ( ايه العالم دى يا اخويا نميمه نميمه يعنى ........... وبعدين كل ده عشان مجموعه واحده بس ............ طيب ده محمد زميلى مدرس الرياضه بيدى كل يوم و لا 10 12 مجموعه و حادى خالص )

ميشو : مجموعه ايه يا لولى هى نسيت اصلها و لا ايه نسيت لما كان جوزها بيسرح بترمس على الكورنيش

لولى : على رايك ومحدش عرف جاب الملايين دى منين

ميشو تضحك: على رايك بس انا جوزى قالى انه كان بيشيل قلب الترمسه و يحط بدالوا بنجووووووووووووووو


لولى تضحك : جوزى بيقولى ان الكورنيش كله كان بيبقى مكيف


ميشو : بس مش تكيف ربانى بقى ده تكيف جوز مشمشه


لولى : ولا ولدها يا ميشو اياااااااااااااااااااااااااه خلاص مش ممكن


ميشو : لا وتقولى توتى و رونى و اللى عرفتوا ان البنت اسمها عطيات و الود اسمه رمضان

لولى : اووووووووووووووه مش ممكن انتى بتكلمى جد

ميشو : امال يا حبيبتى ناس بيئه طحن

مشمه جاى عليهم من بعيد

ميشوه : هاى يا مشمه يلا بسرعه

لولى : وى ميس يو ( وحشتنيا بالافرنجى )


سامح ( اه يا ولاد ال ..................... )


لولى : معلش يا جماعه ممكن ثوانى اضبط الروج اصل شكل السيجاره دستروى ايت

ميشو : براحت يا سويتىىىىىىىىى

مشمشه : بس مش تتاخرى علينا عايزين نلحق نشوف ال زا كلاسيس عشان نطمئن على الكيدز

لولى تمشى

ميشو : مش معقوله لولى دى و الله طيب ما هى واقفه من الصبح مش ممكن كدا


سامح

مشمشه : معلش يمكن السيجاره
ميشو : لا هى ديما كدا يا بنتى مش ممكن طلعا فيها على الاخر و محدش عارف يكلمها مش عارف على ايه


سامح ( ده انتم عالـــــــــــــــــــم )


تخرج المدام و الاخ كوكو عشان ينقذوه من المرستان ده


المدام : يا راجل عينك حتى مورضعات امنحتب الثالث دول بتبصلهم انت ايه

سامح ( واضح انى خرجت من مرستان عشان ادخل العباسيه عدل ) : عين ايه بس ودول يبصلهم من انى منطقه يعنى ده يومين و حيمشوا معاهم ناس من ملصحه الاثار و حيعتبروا خروجهم من البلد ضد القانون عشان كدا يعتبر تهريب اثار


كوكو : الله يعنى دى تقرب لجدو خوفوا


سامح : ايوا يا حبيبى اللى على اليمين دى تبقى مرات خاله و اللى على الشمال دى بقى خاله مراته لازم


المدام : ما تسمعش كلام بابى يا كوكو ده بيهرج ثم و هى تنظر ليه يلا يا بيه عشان نلحق الست هانم عشان نخلص من الجوله الهباب دى


سامح ( ايوا كدا راجعين نعشق وندوب و نروح لميرنا اللى حياتنا ........ راجعين ما يفدش هروب من المدام ومن حكياتنا ) : ايوا صح عشان نخلص

المدام : شوف الدمويه جريت في وشك ازاى امال ما بيحصلش كدا ليه لما بتبصلى


سامح ( عشان لما ببصلها بفتكر الاغانى الحلوه كلها و لما ببصلك بفتكر .......... و الله زمان يا سلااااااااااااااحى .................. انا رايح بكره عالجيش اتجند وسط رفاقى .............. طول ما املى معايا معايا و في ايديا سلاح حفضل اجاهد و امشى و امشى من كفاح لكفاه .............. بسم الله الله اكبر بسم الله بسم الله.............. بسم الله دستوركم يا مباركين ) : دمويه ايه بس و احنا رايحين نقابل كيلو لحمه ( ده احنا رايحين نقابل اللحم الابيض المتوسط كله )


المدام : و الله ولو كيلو ايه حتى ما انا عارف اللى فيها ............ انا ولو اعرف كدا اجيبهالك كل يوم خميس يمكن يكون على ايدها الشفاء

كوكو : اشمعنى الخميس يعنى يا مامى و بقيت الاسبوع مالوا


المدام : يا سيدى ماشيها خميس و خلاص

سامح ( لو ميرنا يبقى ايام الاسبوع كلها ............ انما انتى خساره فيكى حتى الخميس ) : يا سيتى ايه اللى بتقولى ده لو موخذا احنا حلوين اوى و انتى عارفه بس هى النفس

المدام : نعم نعم نعم نعم ( طبعا مع تحريك الوسط في حركه معروفه و سنده باحد الادين و رفع حاجب و تنزيل الاخر في قدره عجيبه )


سامح في سرعه : يا حبيبتى انا قصدى على الدنيا يعنى يا حبى انما انتى تفتحى نفس اي حد على الحياه على طول ( ربنا يكون في عونك يا اى حد يا اخويا )


كوكو : طيب يلا بقى يا جماحه عشان نلحق طنط ميرنا عشان نجلب موضوع الخميس ده

المدام : ايــــــــــــــــــــــــــــــــه بتقول ايه يا واد انت


كوكو : و لا اي حاجه يا مامى هو انا قولت حاجه

يتحرك الركب في اتجام مينرنا

سامح ( وحشتنى عدد نجوم السماء وحشتنى ................. وان مر يوم من غير روياك و ان مر يوم من غير روياك ما ينحسبشى ما ينحسبشى من عمرى ........... قمرين قمرين دول و لا عنيك قلبى بيسالنى عليك اترين بفكر فيكىىىىىىىىىىىى .................... )


ميرنا : ويلكم باك يا فندم

سامح : ويلكم بحضترك يا فندم ( يا ويلكم بيكى انت يا ويلكم يا ويلكم يا فيرى فيرى فيرى ويلكم ( فيرى بمعنى very مش فيرى بتاع الصحون )

المدام : ممكن نخلص بقى عشان ورانا مشاوير و حاجات اللى يخليكى

ميرنا : طبعا يا فندم ثم و هى تشير الى هضبه تقف بجوارها الكابتن صلاح حيكون معاكم في التور اللى حتبقى في الملاعب و حيرجعكم ليه هنا تانى


سامح : ليه ليةةةةةةةةةةةةةةةةةةةةةةةة


الكابتن صلاح ينظر له

عشان تبقى معانا في الجو الكابتن صلاح هو صوره من صور الرجال المرسومه في المعابد الاغريقيه القديمه و اللى ما شافش معابد اغريقيه نقولوا احجز تذكره ذهاب و عوده اثينا و لخص

خلاص خلاص يا ساتر محدش عايز يتعب ابدا ده اثينا فرقه كعب بعد العايط و انت داخل عل الفيوم كدا على طول ............ عموما ماحدش شاف فيلم اجنبى............. طيب هو يعنى عباره عن جسم رياضي ممشوق القوام مشرب الفلكنكات طويل الذراعات عظيم الكتفيات شلولح عضلات بطن و ظهر و مرخير و شعر ناعم جميل و مظهر نجم من نجوم هوليود B)

المدام استقرت نفسيتها على الاخر الان بعد ما رات ميرنا واقفه مع مين و عرفت انها مستحيل باى حال من الاحوال يبقى جنبها الصاروخ ده و تبص لشوال القطن اللى جنبها

المدام براحه نفسيه : اه صحيح يا حبيبتى ليه و الله احنا خدنا عليكى و حبناكى


كوكو و سامح

ميرسي ليك يا قمر
جمميييييييييييييييييييييل